نصائح لكل عروسه (عقبالكم كلكم)

فستان ليلة العمر حلم كل "بنت" وحتى لا يتحول إلى كابوس "لا قدر الله" عليك الاستعانة بمصصم أزياء ستايل جداً يكون مستشارك الأمين ويساعدك في تصور شكلك في أحلى فستان وأجمل طرحة..
ولا تقفي عند أول فستان يعجبك وبعدها تبدئين رحلة البحث المضنية عن إكسسوار مناسب وحذاء ملائم وتنتهي إلى نتيجة قد لا تكون مرضية قد تؤثر على ليلة من ألف ليلة..

لسة الفرصة قدامك خطوة خطوة وفرحتك تكمل..

إيه المشاكل اللي بتواجهها العروسة المحجبة وهي بتدور على فستان فرح أو خطوبة؟
تصميم الأزياء يعتمد في الأساس على إبراز المفاتن الأنثوية والتركيز عليها وهو ما يتناقض مع الحجاب.. كل بنت محجبة تريد أحلى فستان بشرط أن يكون بيغطي كل شيء وكمان واسع حتى لا تبرز التفاصيل ويكون على الموضة، أما الشرط الأصعب فهو أن يكون أحد سماته الأساسية البساطة, ودي مشكلة كبيرة جداً ومعادلة صعبة تواجه مصمم الأزياء.. تطويع الموضة مع عادات المجتمع وتقاليده الشرقية.


معنى كده إن الحجاب غير توجهات ومقاييس الموضة عند مصممي الأزياء وخاصة مصممي فساتين الأفراح والسهرة؟
نعم إلى حد كبير وعموماً في مصر المقاسات غالبا كبيرة وده بيدفعنا دايما لاختيار موديلات وتصاميم تساعد على إظهار صاحبة الفستان بصورة أرشق أكثر مما هي عليه بالفعل، فلا يمكن البحث عن موديل واسع ثم أوسعه أكثر فتضيع ملامح الفستان.

الموضة النهارده الموديلات البسيطة جداً ولكن الاستايل ده صعب تنفيذه مع المحجبات أو الخروج معاه بنتيجة مرضية لأن مصمم الفستان بيحاول دايما تعويض عدم القدرة على إظهار المفاتن بزيادة التطريز والشغل على الفستان وإدخال ألوان ممكن تساعدها في اختيار مكياج باهر أو غطاء للرأس مميز، ولكن إصرار المحجبة على الموديل البسيط الـsimple مشكلة أحياناً.


موضة 2007 لفساتين أفراح المحجبات؟
الموضة السنة دي اللويست low waist (الوسط الساقط) يعني يبدأ وسط أو خصر الفستان من ما بعد منطقة الأرداف.. أيضا دخول ألوان مع الأبيض.. جميع الألوان الأخضر والسماوي والذهبي والفضي.. ظهرت فساتين عليها رسومات يدوية بالروز الفاتح والأخضر، والجديد كمان دخول الأحجار الكريمة بألوانها في فساتين الزفاف والخطوبة, والأحجار زي الفيروز والعقيق والماس الزجاجي، ولكن مازال الفستان الأبيض متربعا على عرش الألوان رغم دخول ألوان وظهور موضات جديدة.. السنة اللي فاتت شفنا الفستان العاجي والفضي والذهبي في الزفاف، ولكن الكل يرجع للأصل الأبيض السادة والتطريز



العروسة تلبس ذهبي وفضي وألوان؟!!
اللون الأساسي أبيض ويدخل فيه تطريز ذهبي أو فضي وألوان مختلفة.. روز، أخضر، فيروزي، وعلى فكرة الدهبي ماشي جداً وعليه إقبال كبير.. أقصد التطريز الذهبي على الفستان الأبيض.


أشكال التطريز الجديدة السنة دي؟
الجديد في التطريز دخول الأحجار الكريمة "شبه الكريمة" والكريستال الامانى



أكيد ده بيرفع السعر جداً؟
طبعاً سعر الفستان بيرتفع بمجرد دخول هذه المواد في التطريز.. النهارده الفيروزي في الزفاف و"العقيق" مع فساتين الخطوبة ذات اللون الأحمر الناري, كمان الفيروزي بدرجاته بيدخل مع ألوان فساتين الخطوبة.

أما بخصوص فصوص الكريستال فاسمها "سكاروسكي" وهي بتعطي نفس إحساس الألماس في بريقها فهي مستوردة من ألمانيا وجودتها عالية جداً وعليها إقبال كبير جداً ولكن سعر الفستان المطرز بالكريستال غالي الثمن جداً بس شكله رائع جداً جداً!!

"الترتر" رجع بقوة في التطريز بعد ما موضته بطلت من زمان ولكن الترتر المستخدم هو الترتر الفضي "لون الطيف" أو ما نسميه "الجنجا"..


تركيز التطريز فين أكتر؟
يتركز التطريز في الصدر ولكن النهارده العرايس نوعين واحدة مش عاوزة تطريز خالص ونقنعها بتطريز خفيف بالعافية..!! وعروسة عاوزة فستانها كله تطريز من فوق لتحت مافيش "وسط"!!.


يا ترى إيه الألوان المتصدرة في فساتين الخطوبة؟
الأخضر الفاتح والسماوي والفيروزي أما رقم واحد فهو الأحمر الناري المرصع بالعقيق.. بصراحة فيه جرأة شديدة وجمال شديد الجاذبية, أما في السوريهات فمازال الأسود متربعا على العرش بلا منافس مهما ظهرت ألوان أخرى ولكن الملاحظ أن في الخطوبة كثرة التطريز بأشكاله الجديدة الترتر والأحجار (العقيق والفيروز)، والجديد أن يكون لفستان الخطوبة طرحة "تل" لون الفستان.. النهارده فيه طرحة "حمرا" و"خضرا" و"زرقا




ما الموديل المناسب للجسم النحيف وازاي تداري البنت الممتلئة عيوب جسمها؟
النحيفة الطويلة بيليق عليها كل الموديلات بلا استثناء، تلبس أي موديل ممكن تتخيله لأن فيه فرصة لإظهار القصات والتطريز وتجسيم الفستان وكلها بتبرز جمال الموديل.. أيضا الطول بيعطي شكل جميل وإبراز أكثر للشغل.

أما الممتلئة فنصيحتي لها لازم تختار فستان من قطعتين عشان تعطينا فرصة لتضييق منطقة الخصر والبطن على قدر المستطاع ثم تغطيتها بالقطعة الأخرى التي تحمل التطريز أو ما نسميه "الكورساج" وتبتعد عن الموديل الجديد "اللوويست" لأنه ممكن يبرز أكثر عيوب الجسم والأرداف. كمان تتجنب موديل الـmermaid أو عروسة البحر لأنه كمان بيبرز العيوب.

[color:f104=red:f104]
هل لاختيار الطرحة علاقة بشكل الجسم!! لا.. الطرحة اختيارها على حسب استدارة الوجه.. هو ده الأساس، وهل العروسة محجبة أو لا، وكمان شكل التسريحة بيحدد الطرحة.. كمان لازم الطرحة تحمل نفس التطريز الموجود على الفستان

العروسة القصيرة ماذا تختار؟لازم تبعد عن الفستان المنفوش لأنه بيظهر قصر القامة.. مهم تختار فستان على قد جسمها وتلبس كعب عالي.


عيوب الجسم اللي يمكن أن تفسد تصميم الفستان؟
المشكلة التي يمكن أن تفسد أي شيء هو "الكرش".. البطن الممتلئة شكلها وحش جداً، ولازم البنت تحافظ دائما على شكلها وتتجنب هذا المظهر بالتمارين وبالريجيم، ولكن مع استشارة الطبيب عشان يكون لها نظام غذائي تسير عليه على طول.. فيه بنات بتعمل ريجيم قاسي قبل الفرح وبعد كده خلاص، أو تعمل ريجيم غلط ويكون شكلها باهت ومرهق.. الطبيب هيساعدها صح في كل حاجة.

في حالة البطن وطبعاً دي مشكلة كبيرة بنحاول تضييق جداً منطقة الوسط ونضع عليها تطريز لإخفاء هذا العيب. العيب الآخر هو امتلاء أعلى الذراع وبيكون مشكلة للعروسة المحجبة لأنه لازم يكون فيه كم للفستان عشان كده بنحاول نوسع حجم الكم شوية.. هذه العروسة لازم تبتعد عن الكم الضيق على قد ما تقدر.


اختيار الفستان أصعب حاجة ممكن تمر على البنت.. أمامها موديلات كثيرة ومطلوب منها تحديد واحد فقط في ليلة العمر.. إيه نصيحتك عند اختيار الفستان!!نصيحتي إنها تروح لحد ثقة ومصمم "ستايل".. الفستان هيتكلف فلوس كتير والعين هتبقى عليها والتوتر هو سيد الموقف والشيء المسيطر على الجميع في المرحلة دي؛ عشان كده لازم تسلم مهمة تصميم الفستان لحد فاهم، وعندما تستقر على اختيار مريح ومناسب لها تبدأ تحدد مع المصمم الخطوط الأساسية لشكلها العام.. شكل الطرحة أو التسريحة، هترفع شعرها، هتغير لون شعرها، الحاجات دي بتساعد المصمم على اختيار الموديل المناسب..



كمان شكل الفستان بيعطي للمصمم مفتاح الإكسسوار المناسب لأن الموضة النهارده تصميم إكسسوار خاص للفستان يدوي.. كمان يساعدها في اختيار الطرحة المناسبة وعليها نفس تطريز الفستان والحذاء كمان، بمعنى آخر يكون معاها في اختيار كل حاجة.. نصيحتي لا تأخذي الفستان وتلفي تدوّري على إكسسوار وطرحة وتختاري "من كل فيلم أغنية" خلي بالك هي حاجات صغيرة بس بتفرق كتير في الشكل.. "ادي العيش لخبازة" كمان استشيري مصممك في شكل "الجيرب" وألوانه.


اما الفساتين الجاهزة أو مصنوعة في أمريكاانارأيي الشخصي البنت لازم تصمم فستانها بنفسها وتشوف أكثر من موديل وتقيس أكثر من شكل وماتقفش عند أول واحد يعجبها، والفستان الجاهز مهما كان جاهز مش هيكون أجمل من فستان معمول عشانك مخصوص حتى لو كان من أمريكا.




المواد المستخدمة في إكسسوار عروسة 2007؟موضة قوي الأحجار زي ما قلنا والكريستال ولكن طبعاً مصمم الأزياء بيصمم إكسسوار مع الفستان له نفس الشكل.. كمان الزهور موضة في الإكسسوار جدا، وتكون بنفس ألوان وأشكال "الجيرب" اللي مع العروسة.


إيه الأقمشة المستخدمة وأشهرها؟؟
التفتاه بأنواعه والستان والأوراجنزه "الدار ستان" موضة جداً ومناسب جداً في الموديلات البسيطة.
والف مبروك لكل عروسه