اعرف جسمك

موضوع: اعرف جسمك السبت سبتمبر 22, 2007 3:03 am

أخبار عن جسمك يا بنى أدم !!

1_جسم البنى ادم فية كمية حديد كفاية تعمل مسمار طوله 8 سنتمتر ..

2_كمية كبريت كفاية انها تقتل كل البراغيت اللى موجودة فى فروة كلب متوسط الحجم ..

3_كمية دهن كفاية انها تعمل 7 قطع صابون ..

4_كمية كاربون كفاية انها تعمل 900 قلم رصاص ..

5_كمية فوسفور كفاية انها تعمل 2200 عود كبريت ..

6_ده غير المياه وزنها لوحدة 40 لتر !

7_لما الواحد بيعمل غازات بيطلع فى الطلقة الواحدة 100 جرام من الغازات !

((لسة مقتنع انك لو عملتها فى الاسانسير ماحدش هيشمك ؟))

8_مرعب ؟ طيب اية رئيك فى ان جسم البنى أدم بينتج فى حياتة كلها كمية لعاب (بنبلعه او بنريلة )
كفاية انها تملى حمامين سباحة كبار !

9_سيبك من بصمات الصوابع .. تعرف ان كل شخص فينا عندة بصمة لسان ؟
(الفيش والتشبية لازم يبقى بطعم الفواكة !)

10_وإن كل سنتيمتر فى جسمك موجود علية حوالى عشرة مليون بكتريا ؟

11_عملوا دراسة فى المانيا واكتشفوا ان اكتر يوم بتعلى فية احتمالية اصابتنا بسكتة قلبية هوة يوم
الاثنين! (يوم الاحد عندهم اجازة !)

12_الطفل الى عنده 6 سنين بيضحك حوالى 300 مرة فى اليوم ..اما الناس الكبيرة بتضحك
مابين 15 ل100 مرة فى اليوم ..علشان كدة فية عيد الطفولة مش "عيد الكأبة "!

13_الرغى بتاع الستات فعلا ! اى ست طبيعية بتقول على الاقل 7000 كلمة فى اليوم ..
اما الرجل فما بيتكلمش 2000 كلمة ! (غير لو كوافير طبعا )